عرض مشاركة واحدة
  #1  
قديم 02-01-2009, 12:55 AM
خاطب الحـور خاطب الحـور غير متواجد حالياً
عضو ذهبي
 




Tamayoz حملة :::: منتدى . . . أحلى من اللى فات ::::

 







ربنا يهديكم ويصلح حالنا وحالكم

ان شاء الله وقدر هذا الموضوع خاص بالنقاش حول مواضيع حملتنا

حملة ايه ؟؟؟

حملة ### منتدى . . . احلى من اللى فات ###

هنعمل فيها ايه يعنى ؟؟؟

ان شاء الله عايزين الناس كلها تعرف ربنا وتحبه وتطيعه
وعشان كده هنتفق على منتدى معين ونحدد مواضيع فى كل حاجه كل المجالات يعنى
وننشرها ونتابعها ونساعد فيها الناس انهم يقربوا من ربنا

طب وليه يعنى الكلام ده ؟؟؟
لكذا حاجه
فى منتديات كتييييير اعضائها عددهم كبييييير وتقريبا كلهم مسلمين بس الدين عندهم ما لوش حيز كبييير
وهما إما مش عارفين او عارفين بس مش فاهمين او فاهمين بس مش حاسين وعشان كده هما بعيييييد
وبالتالى اكيد الحاجه اللى هما شايفينها بعينهم وحاسسينها هيدولها من قلبهم مكان كبير

ان شاء الله دورنا اننا نخلى الحاجه اللى تملى قلبهم هيا الدين

طب واحنا مالنا ؟؟؟

لأ ما فيش احنا مالنا انت مسلم ربنا فتح عليك واصطفاك وهداك لصراطه المستقيم واغرقك فى نعمه الظاهره والباطنه يبقى لازم تشكره ومن لوازم شكره على النعمه استخدامها فى طاعته ونشر خيرها على غيرك كمان
انت مأمور بالدعوه الى الله لأنك من دين اعظم الدعاه سيدنا محمد رسول الله صلى الله عليه وسلم
قال تعالى
{وَلْتَكُن مِّنكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ وَأُوْلَـئِكَ هُمُ الْمُفْلِحُونَ }آل عمران104

وقال رسول الله صلى الله عليه وسلم
< بلغوا عني ولو آية>
الراوي: - المحدث: ابن تيمية - المصدر: مجموع الفتاوى - الصفحة أو الرقم: 30/205
خلاصة الدرجة: صحيح

بلغوا : تكليف عنى : تشريف
ولو آيه : تخفيف

وكمان
محتاجين الامه ترجع لربنا وتعيش حياتها على نهج السلف والصحابه على شريعة الاسلام
فانه لن يصلح أمر اخر هذه الامه إلا بما صلح عليه اولها
وكمان
محتاجين كلنا ندخل الجنه مع بعض انا وانت واخويا وصاحبى ما حدش يضيع منا
وكمــان ...
وكـــمـــان ....

ربنا ييسر

ومين قال ان الناس هتسمع كلامنا ؟؟؟

اول حاجه انت عليك البلاغ باخلاص كامل وان شاء الله ربنا يرى منا الصدق فى دعوتنا ويهدى من يشاء
وكمان الناس الحمد لله بيستجيبوا بفضل الله . ودى بشرى من اخواننا فى منتدى طريق الحقيقه

اقتباس:
السلام عليكم ورحمة الله وبركاته

إليكم بشرى رائعة إخوانى وأخواتى ::::

الله أكبر ....الله أكبر

لقد تابت صاحبة أحد المنتديات ورجعت إلى الله

أنا من فترة ادعو فى هذا المنتدى بعد انضمامى لقافلة الهدى وممّا سبّب في هدايتها
اسأل الله العظيم أن يثبتها على طريق الهداية

رابط الموقع ... ::

وإليكم ما كتبت صاحبة الموقع بعد توبتها ::

جميل
عمليا... هنعمل ايه بالظبط ؟؟؟
1 . نُخلِص لله فى امرنا هذا
2 . نستعين بالله على قضاء هذا الامر
3 . نتوكل على الله فى امرنا هذا
4 . الدعــــــــــاء . . . كلنا لازم ندعى ربنا يوفقنا ويسدد خطانا ويرشدنا للصواب من امرنا
5 . الاخذ بالاسباب وهى
--*1. نجمع اكبر عدد من الاخوه
--*2. نتفق على منتدى نبدأ معه ان شاء الله
--*3. كل اخ يذكر اسم عضويته فى المنتدى الجديد اللى اتفقنا عليه
--*4. كل اخ يقترح مواضيع فى أى مجال ونتناقش فيها من حيث الاسلوب والمقدمه والعنوان وكده
--*5. الموضوع المتفق عليه يضاف باذن الله الى موضوع المواضيع الجاهزه -لم يُعمَل بعد-
--*6. الاخ اللى يحط موضوع يقول انه وضعه فى مكان كذا ويدينا اللينك
--*7. باقى الاخوه المشاركين يدخلوا ويتناقشوا فى المواضيع كأنهم شباب عادى خالص
--*8. اختيار تواقيع جذابه او تكون عناوين للمواضيع اللى عايزينهم يشوفوها

ملاحظات :

بلاش الاخوه يحطوا مواضيع قبل الاتفاق عليها

بلاش اسماء عضويه تكشفنا مثلا < اسد الاسلام #فلان السلفى#...> خلوها شبابيه روشه

بلاش الاساليب العلميه فى المواضيع ولا الهجوميه ولا المنفره احنا مش بنتخانق ولا هنغصبهم على الالتزام بالقوه واعين الحمره

بجد بجد لازم نحس خطر الموضوع وثقل المسؤليه
ان حال شباب الامه دلوقتى ضايع وانهم بعيد عن ربنا وأمتنا مستضعفه ومحتاجه لرجاله
بس للاسف
كثر الذكور وقل الرجال

نسأل الله السداد والتوفيق والعون و القبول

فى انتظار اسفساراتكم و تسجيل اسمائكم ومواضيعكم

ودلوقتى يلا نبدأ بالخطوه الاولى

هنختار اي منتدى ؟؟؟؟؟؟؟

ربنا ييسر


احبكم فى الله
استودعكم الله




منقول بتصرف لإعجابى بالفكرة ...
رد مع اقتباس