[هبـه اللـه]

بسم الله الرحمن الرحيم

السلام عليكم ورحمة الله وبركاته

الحقيقة مش عارفة ابدأ اقول ايه ؟!

لكن مع احترامي لكل اللي بيقيد الكلام ده انا بحزن جداً لما بشوف حاجة زي كده

ناس كتير بتتفرج على التلفيزيون علشان تسمع حاجة مفيدة وتفاجىء تلاقى شيخ بيهاجم شيخ وفى نهاية الحلقة الواحد مستفادش حاجة غير ان كل شيخ بيرد على التاني ؟!

طيب ليه يا جماعة كل ده .. ماهو ربنا سبحانه وتعالى هييجى يوم وهيفصل ما بين العباد فيما كانوا فيه يختلفون

ليه بنلتقط لكل واحد اخطاءه ونبرزها

أ / ابو عمر القرشي حضرتك ذكرت لأختنا الفاضلة انها تنصح صاحبتها بالرفق ثم الرفق ثم الرفق

طيب فين الرفق مع المشايخ ؟

ليه افتح التليفزيون على قناة دينية وعاوزة حاجة تقربنى من ربنا او ترقق قلبي وفجأة الاقى الرد على فلان والرد على فلان والرد على فلان !!!!

وبدل ما نشغل نفسنا بحاجة مفيدة ننشغل اكتر بعيوب الناس

حاجة كمان فى برامج كتيرة جدا جداً مفيدة جداً جداً واستفادت منها كتير جداً علمياً وكل حاجة .. فليه نقول ان التليفزيون حرام .. مفتى الديار المصرية "على جمعة" قال ان اى حاجة ليها استخدامين حرام وحلال متبقاش حرام...وكان بالنسبة للتليفزيون ممكن الواحد يستخدمه فى سماع الدروس الدينية او سماع القرآن الكريم...فليه نقول حرام !!

لفت انتباهي نقطة حضرتك ذكرتها ان أ / عمر خالد قال لأحمد فاروق الفيشاوى لما كان هيعتزل وقاللوا لأ كمل فى فن هادف

انا اعتقد والله اعلم ان فى فن هادف .. الفن مش شرط ييجى فى ذهننا انه تمثيل واختلاط و و و الى اخره

يعنى مثلاً انا عرفت قصص كتيرة جداً من قصص القرآن وقصص الأنبياء عن طريق المسلسل اللى كان بيتعمل بالصلصال !!

طيب ما ده فن هادف...وما شابه ذلك

لكن اكيد مكانش يقصد انه يرجعه للى كان فيه ولا قاللوا يزني .. فياريت ربنا يكرمكم يا جماعة بلاش نبرز عيوب الآخرين ونشكل الكلام على حسب فهمنا

ونكتفى بالدعاء بالهداية وربنا سبحانه وتعالى هو الحكم ومش احنا العباد والله اعلم احنا عند ربنا من العباد ولا العبيد .. اللى هنحكم على الناس

وفى آخرة وفى حساب وان شاء الله كل واحد هياخد نصيبه وجزاءه

واسفة لو أطلت

فى رعاية الله