السلام عليكم ورحمة الله
الموضوع رائع وعن جد مهم جدا جدا وان شاء الله لي عودة لاكمل بقية المشاركات الهادفة ولكني حبيت ان اشارك من وجهة نظري كطالبة بالطب يعني من وجهة النظر الاخري
بجد الموضوع فعلا برة لطب غير جواه خالص والنظرة بتختلف انا شخصيا كنت فعلا مش مصدقة ازاي طبيب راجل يدخل ويكشف ع امراة او بنت فعلا الامر بالنسبة ليا صعب لكن بعد مدخلت الكلية وبدات انزل المستشفي كتدريب لقيت ان الامر بالنسبة للطبيب عادي لانه بيتعامل مع المريضة كمجرد حالة Patient وبس فيه اطباء كتير جدا ملتزمين واعتقد ان دي هي السمة العامة الا القليل وبعدين يا جماعة متنسوش القسم اللي بنقسمه واخلاقيات الطبيب
بالنسبة لتحريم دخول الاطباء قسم النسا انا فعلا سمعت من احد شيوخي الافاضل هذا الكلام وصور الطبيب بصورة سيئة انا فعلا معاه بس للاسف يا جماعة امهر الاطباء في قسم النساء هما ذكور مش لشئ بس فعلا انتم مش عارفين قد ايه ده تخصص صعب في كل حاجة وخطير ازاي
انا اشفق ع اي طبيبة في هذا القسم
اخيرا
نفسي بجد المجتمع يقدر دور الطبيبات ويشجع وجود ده ف المجتمع الاسلامي لاني للاسف شايفة ان ده مش بيحصل لان اي اب او ام بيخاف ع بنته وده طبعا بسبب نظام العمل الذي لايفرق بين الذكر والانثي في توزيع الطبيبات في مناطق العمل وكمان النبطشيات ده غير الاخوة الافاضل اللي بينادوا بان لازم وجود طبيبات ملتزمات هم اول ناس بيرفضوا الزواج من طبيبات حتي لو الاخت ماشاء الله ملتزمة دينيا او بيكون شرطه انها تسيب العمل بجد انا بكون حزينة جدا لما ده بيحصل
في الختام ارجو ان مشاركتي تكون طيبة وبالله عليكم ادعو لكل طلبة الطب المسلمين والمسلمات ربنا ييسر علينا الدراسة ويؤجرنا خيرا وينفع بنا