[الشافعى الصغير]

 

مصر متجوزة فى السر

كتب على سلامة
متعلقين بين السما والأرض..
وقريبين..
لكن بعاد عن بعض..
ويا ويله اللى فتح قلبه يوم
وفضفض واشتكى..
أسوأ الأهداف
اللى بييجى من كرة طايشة
وسط دربكة..
وأصعب الأحزان
هزيمة مرة
من غير معركة..
لكن أظرف المتقاتلين
واحد مصدق
إن مصر لسه مابقيتش مملكة..
وأشجع الكدابين اللى قال
الدنيا حلوة
والوضع آمن مستقر..
وده شعب مدلع ولازم
يعترف ويقر..
مصر لا يمكن تكون ماشية
على حل شعرها
لكن يجوز
تكون متجوزة فى السر..