السلام عليكم ورحمة الله وبركاته
كيفكن حبيباتي
عساكن بخير حال
عمرك سمعتى عن مربى ورد بلدى ؟
بجد رووووعة وكمان تجديد عن الأنواع التقليدية زى الفراولة والتين والمشمش
والطريقة سهلة أوى
لو قريب منك محل ورد خلى زوجك يتفق مع صاحب المحل ان البتلات اللى تقع من الورد يجمعها فى كيس وتاخديها على اخر اليوم وممكن بمقابل عشان الراجل يهتم
بتاخدى البتلات الحمراء دى وتغسليها كويس أوى
وتحطيها على فوطة وتسبيها تنشف
مهم أوى يكون الورد مش دبلان
يكون أحمر وزاهي
لو عندك مفرمة افرميها فيها
ولو معندكيش خرطيها بمخرطة الملوخية ناااعم جدااااا
وبعدين بتجيبى حلة على النار وفيها ماء وسكر حسب الرغبة
بس لا تكثري من الماء عشان متطلعش خفيفة أوى
ولو تقلت منك ممكن تزوديها ماء بسكر
وحطى فيها الورد سبيها تغلى براحتها على نار هادية
وكل شوية تذوقيها
ولو لقيتي الورد بيشد تحت سنانك يبأه لسه مستوتش
ولما تستوى سبيها تبرد وحطى عليها نقطة او اتنين بالظبط ماء ورد
وعلى التلاجة على طول
بجد جربوها هتعجبكوا أوى ان شاء الله
وبالهنا والشفا