عرض مشاركة واحدة
  #1  
قديم 03-04-2012, 04:53 PM
راجيه عفو الله السلفيه راجيه عفو الله السلفيه غير متواجد حالياً
عضو فضى
 




New كفته البطاطس وكفته اللحمه للتفريز وكمان البلونيز وكله بالصور

 

السلام عليكم ورحمة الله وبركاته

طبعا يا فتوكات يا حلوين بعد التحيه وبعد السلام انا جيبالكم النهارده كفتة البطاطس وكفتة اللحمه دول للتفريز
عشان تطلعى على طول تطبخى على الجاهز ودى هتنفع اوى اوى اللى معندهمش وقت زى حالاتى
نبدأ بسم الله توكلنا

اولا كفتة البطاطس وكنت عملتلها موضوع هنا بس منزلتلهوش صور والنهارده انا جيبالكم الصور
المقادير :::::
نصف كيلو بطاطس _ملعقتين بقدونس _ بيضه _نصف كوب بقسماط_ملح _فلفل_بهارات_ملعقتين لبن_كمون_
ونحضر كمان دقيق فى طبق وبقسماط فى طبق وبيض وملعقتين لبن وملعقتين دقيق مخفوقين كويس
ولحمه مفرومه معصجه
الصور هتوضح المكونات


الطريقه ::::نسلق البطاطس كويس جدا عشان تتهرس معانا على طول وبعد ما البطاطس تتسلق
نصفيها كويس من اى ميا بالمصفا نحطها فى المصفا شويه وبعدين نهرسها بشوكه ونضيف البيضه والبقسماط والبقدونس والملح والبهارات
واللبن ونخلطهم كويس جدا ببعض وبعدين نبدأ ندهن ايدينا دقيق من الطبق ونمسك قطعه قطعه من البطاطس ونحشيها لحمه
مفرومه بس مش كتير ونصبعها او نكورها براحتنا انا صبعتها والبطاطس واضحه عندنا اهى فى الصوره مع المقادير بعد ما اتهرست واتحط عليها كل حاجه

دى كده وهى صوابع ومعموله بالدقيق والبيض والبقسماط


وبعد ما نصبعها على البيض بالخلطه اللى فيه وبعدين على البقسماط وبعدين على الطبق اللى هنفرزها فيه ودا شكلها بعد ما
كلها اتعملت واتحطت فى الطبق الفل بتاعى وبينهم اكياس عشان ميلزقوش فى بعض وتطلعى طبعا من الفريزر
على الزيت السخن تحمرى
وصوره كمان توضح


ندخل على الكفته اللى ممكن تنفع اى حاجه واى اكله
بصوا يا حلويين الكفته بقى مقاديرها
2كيلو لحمه مفروم _نصف كيلو فول صويا _وبهارات_ وملح_ وفلفل_ وبصل _
وكل دول على المفرمه عدل بجد خطيره الطريقه دى وموفره فى الوقت والمجهود لانك بتطلعى من الفريزر على
الصينيه تشويها تحت الشوايه وتعمللها فحمه بجد خفيفه او تقليها فى الزيت براحتك ولا بتكش ولا اى حاجه معلش مصورتش الخطوات
بس جيبالهالكم بعد ما صبعتها وحطيتها برده فى طبق الفل وعلى الفريزر برده ودى صوره توضح


ندخل بقى على المكرونه البلونيز
نجيب مكرونه اسباجتى ونسلقها وبعدين نصفيها من مية السلق ونعصر طماطم وبعدين نحضر الحله ونحط قطعة سمنه بلدى
وننزل عليها بلاللحمه المفرومه التعصجه وعليها ملعقتين بقدونس ونحط الصلصله ومكعب ماجى ونظبط الفلفل والملح
ونحط المكرونه ونسيبهم شويه ونهدى عليهم ودا شكله
g
ويارب الوصفات دى تعجبكم بس هى حلوه معايا جدا وبتوفر معايا كتير فى الوقت وان شاء الله تعجبكم

وارجو التقييم منكم لو عجبكم الموضوع وشكرا ليكم



منقووووووووووووووووووووووووول
رد مع اقتباس