عرض مشاركة واحدة
  #4  
قديم 04-06-2010, 02:29 AM
الشافعى الصغير الشافعى الصغير غير متواجد حالياً
لا تهاجم الناجح وتمتدح الضعيف .. لا تنتقد المجتهد الذي يعمل وتربت علي كتف الكسول
 




افتراضي

كيلو واحد.. أضاع ٢١ عاماً من السمعة الطيبة

قال غريب الصبيحى، وشهرته منصور، أحد تجار الفسيخ فى مدينة أبوسمبل فى أسوان، إنه تعرض لحادث دمر سمعته فى سوق الأسماك، وهى السمعة التى صنعها طوال ٢١ عاماً من العمل فى التجارة، مشيراً إلى أنه باع كيلو فسيخ لعدد من مهندسى سنترال أبوسمبل فى ١٣ مارس الماضى، بعدها فوجئ بمباحث التموين، والطب البيطرى فى محله لأخذ عينة من الأسماك لفحصها فى مديرية الصحة لأن المهندسين تسمموا بعد أكلهم الفسيخ.
وأضاف منصور: «مباحث التموين والطب البيطرى شمعوا الثلاجة بما فيها من فسيخ وسمك، لحين صدور تقرير لجنة الصحة وعرضه على النيابة، وبعد ٢٠ يوماً، جاء تقرير الصحة يوم الخميس الماضى ليؤكد أن العينة أثبتت سلامة كل الأسماك الموجودة لدى، لكن حتى الآن مازال السمك فى الثلاجة «المتشمعة» وحالى واقف».
وتابع منصور: «يعنى هم اللى اتسمموا دول ما أكلوش غير سمك بس، ماكانش فيه أرز ولا سلطة ولا حتى ملح، وبعدين ليه يشمعوا كل السمك اللى عندى، أنا كدة بيتى اتخرب، خاصة أن أبوسمبل صغيرة وأول ما المباحث جت عندى المدينة كلها عرفت واتفضحت من غير وجه حق، والنيابة، والصحة أثبتوا صحة موقفى، لكن خلاص ما دام الناس خدت فكرة عن سمكى انه وحش يبقى محدش هيشترى منى تانى، وأنا والله بقالى سنين معروف عنى نظافة السمك اللى عندى، حتى السياح بيشتروا منى، لكن خلاص محدش يقدر يعمل حاجة مع الحكومة».
وقال منصور إنه فى الوقت الذى استغرقه صدور تقرير مديرية الشئون الصحية عرف أن المهندسين ينوون مقاضاته والسعى لإغلاق محله بالكامل، وأضاف: «واضح ان المهندسين دول كانوا عايزين ياخدوا بدلات إصابة العمل، وربنا أعلم بيهم وبحالى، لكن أنا أول ما جاءت المباحث تاخد عينة من عندى، جبت اتنين شهود وفواتير تثبت إن فيه ناس تانية اشتروا نفس الفسيخ والسمك ومحصلهمش حاجة».
وبالنسبة للمشكلات العامة التى يواجهها أصحاب محال بيع الأسماك فى أبوسمبل، قال منصور: «رئيس مدينة أبوسمبل قال فى اجتماع مع كثير من أصحاب المحلات إنه ناوى ينقل محلاتنا بعيد عن مكانها الحالى القريب من بحيرة ناصر ٢ كيلومتر، يعنى هنتحمل مصاريف نقل السمك من أماكن الصيد إلى بعد ٢٠٠٠ متر، ده غير الضرائب والرسوم والتأمينات اللى بندفعها، وكمان فرض علينا ديكورات للمحلات كلفتنا ما بين ١٥٠٠ و٢٠٠٠ جنيه».
 

رد مع اقتباس