03-06-2012, 08:55 PM
|
|
|
الي الغاليه
يمكن تكون دي اول مره ادخل اسجل في منتدي او ادخل اقرا اصلا كلام مكتوب علي منتدي, و مش بعرف اكتب اوي باللغه العربيه و برده مكنتش بهتم اوي اتصفح المنتديات الدينيه, و اتصفحها ليه و انا كان عندي العلم كله و الطيبه كلها و التواضع كله و ضيفوا كمان اي ميزه ممكن تخطر علي بالكم ايوه بجد كان عندي كل ده عشان كان عندي اجمل و احن خاله في الوجود حبيبتي الغاليه هجره, اعتقد اني قعدت في بيتها و خرجت معاها و كلت و شربت من ايدها اكتر ما كلت و شربت من ايدي انا و اعتقد اني ضحكت معاها و بكيت معاها اكتر من اي حد تاني ,
حبيبتي انا فرحانه اوي عليكي و علي الخاتمه الجميله دي , حبيبتي انا ببكي من كتر فرحتي عليكي و من كتر ما قلبي مطمن عليكي
انتي مسيبتينيش اصلا ف ليه احزن؟؟؟
انا اللي بيبكيني الكلام الحلو اللي قرأته عليكي من الاخوه و الاخوات و قد ايه انا كنت محظوظه عشان انتي خالتي و امي و اختي
انا اللي بيبكيني كتاباتك المؤثره و ازاي انا بقراها دلوقتي و انتي مش معايا
انا الدموع فاضت و الحزن كسرني و مش لاقيه كلام يصبرني علي فراقك اصلك وحشتي عنيا و صوتك وحشني
اصل قلبي مكوي و عندي ليكي 100 سؤال
البيت اللي كان كله فرح و سرور ده هيلم مين تاني علي سفرته؟؟؟
الغايب من العيله اما يرجع من سفره هيروح فين؟؟ دا احنا كنا بنجيلك قبل ما بنروح بيتنا
هنتجمع عند مين في رمضان؟
و هنقضي العيد عند مين؟؟
هنسافر مع ميين؟؟ طيب لما يبقي عندي سؤال ف الدين هسأل ميييين؟؟
و اما اكون مخنوقه و عايزه افضفض اروح اترمي في حضن مين؟؟
بلاش كل الاسئله دي انا عندي سؤال واحد بس كمان و خلاص
لما همرض تاني مين هيجيلي و يدعيلي و يخفف المرض عني بدعائه و دعابته
الدموع فاضت و لم اعد استطع الكتابه
ربنا يجمعني بيكي ف جنته و فراقنا ما هو الا ابتلاء و هنجتمع تاني علي خير ان شاء المولي
بنتك حبيبتك نهال..............
|