ازيكم يا فتوكات يا حلوات
معايا ليكم النهاردة طريقتي في عمل الفراخ المشوية
يارب تعجبكم يا قمرات
بسم الله نبدأ
اولا المقادير
فرخة (متنضفة كويس ومغسولة بالملح والخل والليمون)
التتبيلة
طماطماية
حتة فلفل اخضر
2 بصلة صغيرة
2 فص ثوم
م.ك صلصة
ليمونة
بهارات ( ملح,فلفل اسود,قرفة,جنزبيل بودر,زعتر,ريحان,قرنفل بودر,حبهان بودر,شطة,بهارات فراخ او اي بهارات تحبيها)
م.ص سكر
الطريقة
نجيب المكونات بتاعة التتبيلة الطماطم والفلفل والبصل والثوم والتوابل والليمونة ونحطها في الخلاط مع شوية مية ونضربهم كويس
ودة هيبقي شكلها
بعد كدة هنجيب الفرخة بتاعتنا ونحطها في التتبيلة ونحاول نغطيها بالتتبيلة كويس اوي
ونسيبها لمدة يوم في التلاجة عشان يبقي طعمها حلو وتكون اتشبعت بالتتبيلة كويس
يعني مثلا اعمليها من بليل للصبح
قبل ما احط الفرخة في الفرن بادهنها بزيت عشان بيدي طعم حلو اوي وريحة تجنن
بعد كدة احط الفرخة في الشواية بتاعة الفرن
وممكن كمان اثناء التسوية تجيبي فرشة مدهون زيت وتدهني بيها الفرخة يا سلام بتدي ريحة تجنن
ونسيبها حوالي ساعة لحد ما تستوي كويس وتاخد اللون الجميل بتاع المشويات
دة هيكون شكلها
عملت جنبها رز بخلطة توابل بجيبها جاهزة اسمها كاري حلو
(ودي عبارة عن كاري وحلبة وكركم وقرفة وكسبرة وقرنفل)
بتدي طعم حلو اوي للرز وبعمل الرز عادي زي الرز الابيض بالظبط
وعملت كمان جنبها خضار سوتية مسلوقة عالبخار وسلطة كول سلو ان شاء الله هبقي انزل طريقتها في موضوع منفصل
بس انا صورت الرز والفراخ بس
وادي صورة الرز والفراخ
بجد يا جماعة كان طعمها يجنن
اتمني طريقتي تعجبكم
وياريت ما تنسوش التقييم يا قمرات
منقوووووووووووووووووول