[الشافعى الصغير]

 

.. وجارى البحث عن المفقودين

كتب هيثم دبور
صوت لاسلكى
«عمرو باشا.. عمرو باشا
ابقى بلغنى فى إشارة بالعدد»
تحت أنقاض الهدد
اللى من لحظة يدوبك كان بُنا
سقف أنّ بحلمنا
والحجر داب م الهموم
والشكاوى إزازه دايره
بين إيدينا ع الغدا
كان بُنا بـ٤ حيطان
شايخه مش قادرة تحاوطنا
ألف مرة خبطنا راسنا بقوة فيها
روحنا عريانة وحزينة
والشقوق عاجزة تدارينا
واللى باقى فوق مصلّية قديمة
إنى أناجى «يارب سترك»
عمرو باشا
ابقى دوّن بين دفاترك
إن أعداد اللى مفقود
تحت أنقاض الهدد
لسه مجهول.. مش مُحدد