[الشافعى الصغير]

 

خروج آمن

كتب هيثم دبور
ومين اللى ضامن
ساعة لما يدخل
ويعمل ويعمل
هيخرج مآمن
وطب مين ضمن له
ومين اللى غمّى عينيه عن عيوبه
ومين اللى خيّط لكفنه جيوبه
ومين اللى قال إن شمسه هتفضل
فى ساعة ما يعلى آدان المؤدن
ويعلن غيابه
ويصبح وجوده فى عداد اللى كانوا
يضيع الهتاف اللى كان يوم ما يُخطب
يغرق ودانه
ومين حتى قبله
قدر بس ياخد زمانا وزمانه
ما هى الدنيا سايره وهتاخد مكانك
كما كان فى قبلك.. بتاخد مكانه
وكله بأوانه