[الساره]

 

بسم الله الرحمن الرحيم

انا اليوم عملت كانيلونى وطلع رائع
بصوا بقى
المقادير:
1 كوب لبن حليب
1 كوب دقيق ابيض
2 بيضه
ذرة ملح وفلفل

للحشو:

عصاج لحمه مفرمه بالطماطم

الطريقه:
اضربى البيض مع اللبن واللح والفلفل ف الخلاط جيدا ثم اضيفى الدقبق واخلطيه مغهم جيدا وصبيهم فى اناء عميق

التجهيز:
احضرى طاسه مقاس صغير تكون تيفال وامسحيها بقطن بها زيت او سمن كيفما تحبين
اغرفى بكبشه من السائل المجهز وضعيه ف الطاسه وامسكى الطاسه بايدك ووزعيه عشان يغطى قعرها وتكون الطبقة رقيقه
اتركيه ثوانى حتى يحمر الوجه السفلى ثم اقلبية حتى يحمر الوجه العلوى"زى البيض الاومليت"

استمرى هكذا حتى يخلص المقدار
ملحوظة : هذا المقدار بيعمل حوالى من 12الى 15 وحدة

بعد كده تبتدى تحشيه بان تضعى الرقاقه من الكانيلونى وتضعى عند حرفها الحشو (العصاج) وتلفى وتستفى فى صنيه مع ملاحظة:
1- الصنيه مدهونه سمن
2- الواحده اللى نلفها عشان ماتتفتحش نخلى نهايتها ف القعر
3- حاولى تخلى سمن من اللى فى العصاج عشان ندهن بيه وش الكانيلونى لما نخلص

كمان ممكن بعد ما تخلصى لف وتستيف ف الصنيه وتدهنى وشه بالسمن اللى ف العصاج ممكن تحطى عليه جبنه رومى مبشورة
وتدخليه الفرن يحمر من تحت ثم تشغلى الشوايه وتحمريه من فوق

وبالهناء والشفا

والله كان نفسى اصورة لكم بس كنت بشتغل بايد واحدة والتانيه شايله بيها بنتى
اصورة لكم المره الجايه ان شاء الله

وعلى فكرة فى ناس بتحشيه جبنه بيضاء وبتهرسها مع القشطه والقدونس او النعناع وناس بتحشيه خضار مشكل