مجنون ـ مراسلنا ف المورستان ـ
 

[center][font=traditional arabic][size=6][color=#ec6400][b]مجنون[/b][/color]
[b][color=#5d5552][/color][/b]
[color=#808080][color=#808080][b] كتب [/b][/color] على سلامة[/color] [/size][/font]
[font=traditional arabic][size=6]على مراتك ما تظبط الملح ف الأكل
تكون إنت حبيت واحدة غيرها..
بس أنا عشقتها طفلة
قبل ما تقص شعرها
وترمى ضفايرها..
صعب نسيب الخلق كده
وهى وضمايرها..
وصعب واحنا فى أول الحكاية
نعرف آخرها..
عارفة
باحب أتمشى ف الغورية
أشم ريحتك..
وأسمع صوت القانون..
أنا باحبك بجنون..
بس الناس..
الناس بيقولوا العقل زينة..
ليه كل ما اكتب غنوة فرح
تطلع حزينة..؟
والناس تقولى حرام
كفاية وجع..
وأنا الجدع
اللى لا قادر يرضى الناس
ولا يبطل يحبك
ولا عارف يكتب
غنوة غيرها..
[/size][/font][/center]

وفقك الله أخي الشافعي
دعك من الغنوة والقانون وحب الصغيرة ذات الضفاير

وفقكم الله

!!!؟؟؟