لو محتاج محاضرة معينه .. ممكن تطلبها هنا وسوف ارفعها لك
 

السلام عليكم ورحمه الله وبركاته

الاخوة والاخوات
اللي محتاج محاضرة في اي ماده في المنهج
ولا يجدها او في صعوبه في انه يحملها من موقع المسجد
يتفضل يطلبها هنا
وسوف ارفعها له بأمر الله هنا
أو على موقعنا ع الفيس بوك

*******
ربنا يوفقنا جميعا

السلام عليكم
اختي الحبيبه انا ليا رجاء ارجو ان اعرف هل امزكرات يوجد فيها اكثر من المحاضرات
لاني معتمدا عى المحاضرات ارجو الرد

انا والله مثلك اعتمد على المحاضرات والكتاب
انا لا استخدم اي مذكرات
فالمحاضرات شامله ان شاء الله
لسه كنت بسمع محاضرة في العقيده
والشيخ بيقول ان الامتحان هيجي من الشرح
لأن المذكرة بيكون فيها اشياء بسيطه ومختصرة
بعكس المحاضره

انا معتمده ع المحاضرات وربنا ييسر
ربنا يوفقك حبيبتي :)

انا حتى ما ماعيش الكتاب انا كل اعتمادي على المحاضرات

ارجو ان تفديني اختي انا حاسه اني تايهه في المواد

تايهه ليه بس حبيبتى
انت لو عندك المحاضرات وبتسمعيها
فان شاء الله كده تمام
وفي هنا بعض الاخوات عملت تفريغ للمحاضرات

انا بعمل كده لانى اصلا قدمت في آخر السنه
هقولك
انت حاسه انك تايهه في ايه ؟
طيب لو في ماده مش متأكده منها ليه ماحاولتيش تأجليها؟

بصي مثلا الحديث
المحاضرات فيها اكتر من الكتاب وفعلا المحاضرات كويسه وكمان في اسئله قالها الشيخ وقال انها مهمه

والعقيده الشيخ برضو قال ان الاسئله من المحاضرات
ونزل اسئله وقال انها في المكتبه بس الحقيقه انا كنت لسه هسأل لو حد عنده الاسئله دى ياريت يكتبها لنا
لأنى مش لقياها وماعرفش حد في الدفعه اصلا

العربي بقي في ورق كان بيوزعه الشيخ مع المحاضرات هتبقى تمام
والتجويد بسييط مع الكتاب برضو والكتاب بحوالي 2 جنيه برضو هتلاقي نفسك لميتى الموضوع

الفقه نفس اللي في المحاضرات هو اللي في الكتاب وماعرفش ان كان في مذكرة او لا

السيره حاولي تجيبى الكتاب وبرضو هو نفس اللي في المحاضره
وممكن تنزليه من النت
ولو عايزانى ارفعه لك هرفعهولك وهو كتاب الرحيق المختوم

والتفسير ممكن تجيبى اي كتاب تفسير
بس برضو هتلاقي المحاضرات فيها حاجات زياده
يعنى لو معاكى المحاضرات هيبقى كويس

انا في مواد اجلتها لانى قدمت آخر السنه
ربنا يوفقك ولو في حاجه عايزة تسألي عنها انا معاكى اهو :)

انا بشكرك جدا على انك افدتيني انا كمان زيك حبيبتي والله تايهه وماعرفش اي حد خالص في الدفعه طيب لو عايزه ائجل اعمل ايه انا ممكن اطلب منك طلب نتكلم ميل لو ماعندكيش مشاكل لاني مش عارفه ابعتلك ميلي في رساله مش عارفه ابعت رسايل من عندي دا لو ماعندكيش اي مشاكل انا ميلي على الياهو وارجو منك الرد وعرفيني اعمل ايه لو عايزه ائجل

هو تقريبا ممنوع ارسال ايميلات
هو انت لك حساب ع الفيس بوك؟؟
عموما
انت بتروحى المسجد
وتطلعى الدور الرابع في المكتبه
وبتأجلي المواد اللي انت عايزاه
ومش مطلوب منك اي مصاريف او اوراق
وانا هناك لقيت بنات اجلت 3 مواد
وبنات اجلت كل المواد

بس لو هتأجلي ياريت تروحى بسرعه
لأن الامتحان السبت الجاى ان شاء الله

******************
ياريت وانت هناك اسألي عن اسئله العقيده اللي الشيخ قال عليها
شوفيها لسه موجوده ولا لأ
لو موجوده خديها ... انا لو كنت اعرف كنت سألت وانا هناك

ربنا يوفقك يارب

نسيت أقولك انك تروحي وقت العصر
لأن المكتبه بتفتح العصر