أخيرا بنتى كلت الكبدة تعالى شوفى عملتهالها ازاى
 

[center][color=indigo][size=5]السلام عليكم ورحمة الله وبركاته

عنيت كتير أوى مع بنتى عشان تاكل الكبدة ومش بترضى تاكلها خااالص
وطبعا الكبدة مفيدة أوى للأطفال عشان الحديد
أنا كنت بعملها اسكندرانى ومكنتش بترضى تاكلها خالص

لحد ما جربت طريقة تانية وعجبتها أوى أوى وفرحت جدا انها ابتدت تاكل الكبدة

هاتى الكبدة وقطعيها قطع زى البانية بالظبط
حاولى ترققى سمكها شوية

وحطى عليها :
ملح وفلفل
ولمون
وشوية خل
وشوية مسطردة
وتوابل عربية (7 فى 1)
وكام فص توم مدقوقين
وشوية كمون


وسيبيها فى التتبيلة دى ساعة فى التلاجة
وبعدين طلعيها وحطيها فى خليط من البقسماط والفيجيتار
وسخنى الزيت اوى وبعدين هدى عليها وسبيها تتحمر

بجد طعمها حلو اااااااااااوى
وكمان الاطفال هيحبوها جدا ان شاء الله
جربوها ومتنسونيش من دعائكوا :)
[/size][/color][/center]

بس ياحبيبتى اللى اعرفه ان كبدة الفراخ هى المناسبة للاطفال
تسلقيها وتديهم من غير تحمير ولا حاجة وبيكون فيها الفايدة
وعلى فكرة الاكل المعقد صعب الهضم عند الاطفال
واعنى بالمعقد يعنى اللى داخله تركيبات كتير
يعنى مثلا الكيك او التورته داخل فيها بيض وسكر وكريمة وزبدة ودقيق وحاجات كتير
كل ده ممكن يعمل مغص للطفل
وربنا يحفظ اولادنا واولادكم

[center][size=5]ربنا يكرمك يا خالتو على النصيحة
أنا بديها كبدة فراخ مسلوقة فعلا وبتحبها جدا
بس مكنتش بترضى تاكل الكبدة البلدي

خلاص مش هديهالها تانى طالما ممكن تعمل مشاكل

وممكن اللى ولادها كبار شوية تجرب معاهم الوصفة دى بجد حلوة أوى وتغيير حتى للكبير عن الطريقة العادية

تسلمى يا خالتو ربنا يبارك فيكِ يارب
[/size][/center]

[quote=مع الله;453158][center][size=5]ربنا يكرمك يا خالتو على النصيحة[/size]

[size=5]أنا بديها كبدة فراخ مسلوقة فعلا وبتحبها جدا[/size]
[size=5]بس مكنتش بترضى تاكل الكبدة البلدي[/size][/center]

[center][size=5]خلاص مش هديهالها تانى طالما ممكن تعمل مشاكل[/size][/center]


[/quote]


[size=5][color=purple]ربنا يحفظلك بنتك يارب وتكون ذرية صالحة[/color][/size]
[size=5][color=purple][/color][/size]
[size=5][color=purple]نصيحة صغيرة بس[/color][/size]
[size=5][color=purple][/color][/size]
[size=5][color=purple]اياكي وكبدة الفراخ البيضاء للاطفال ابدا أبداً[/color][/size]
[size=5][color=purple][/color][/size]
[size=5][color=purple]لان معروف ما يعطونه للفراخ البيضاء من هرمونات ومعروف بالطبع لإن الكبد هي مصفاة الجسم [/color][/size]
[size=5][color=purple][/color][/size]
[size=5][color=purple]ولكن كبدة فراخ بلدي وتتأكدي انها بلدي لان هناك الان بلدي مزارع بياخدوا الكتاكيت البلدي ويربوها في المزارع[/color][/size]
[size=5][color=purple][/color][/size]
[size=5][color=purple]والبائع عارف الكلام ده كويس[/color][/size]
[size=5][color=purple][/color][/size]
[size=5][color=purple]الحل إنك تشوفي محل للفراخ موثوق به وتطلبي فراخ تربيية فلاحيين [/color][/size]
[size=5][color=purple][/color][/size]
[size=5][color=purple]وسأخبرك على علامة تعرفي منها اذا كانت بلدي تربية فلاحيين[/color][/size]
[size=5][color=purple][/color][/size]
[size=5][color=purple]الفرخة تلاقي بداخلها عنقود البيض وطبعا فرخة مش ديك :)[/color][/size]
[size=5][color=purple][/color][/size]
[size=5][color=purple]كمان البلدي بيكون لحمة غامق وعظمه ناشف جدا ولا يوجد دهون على جلده بل سمك الجلد رقيق جداً[/color][/size]
[size=5][color=purple][/color][/size]
[size=5][color=purple]بعكس المزارع تلاقيها لا تأخذ وقت في التسوية الا اكثر من الفراخ البيضاء بقليل[/color][/size]
[size=5][color=purple][/color][/size]
[size=5][color=purple]هذه نصائح بعد تجارب طويلة في عالم البحث عن الفراخ معدومة الهرمونات ( بلدي عتاقي أو شامورت صغيرة يعني فلاحي )[/color][/size]
[size=5][color=purple][/color][/size]
[size=5][color=purple]وربنا يديم علينا نعمته من الصحة[/color][/size]
[size=5][color=purple][/color][/size]
[size=5][color=purple][/color][/size]

وربنا يكرمك يا أم مريم وفعلا كبدة الفراخ البيضة بتكون مليانه هرمونات ومضرة المشكلة دلوقتى ان مفيش حد بيبيع فراخ بلدى أو نادرة جدا جدا
[quote][b][font=traditional arabic][size=5]
[size=5][color=purple]الفرخة تلاقي بداخلها عنقود البيض وطبعا فرخة مش ديك :)[/color][/size][/size][/font][/b][/quote]

المشكلة انى بجيبها متنضفة يعني من غير عناقيد خالص :)

[quote][b][font=traditional arabic][size=5][size=5][color=purple]كمان البلدي بيكون لحمة غامق وعظمه ناشف جدا ولا يوجد دهون على جلده بل سمك الجلد رقيق جداً[/color][/size][/size][/font][/b][/quote]
أهى كل الفراخ دلوقتى تحت جلدها كمية دهن فظيعة حتى لو طلبتى فراخ بلدى بتلاقى اللى اشتريتيه مش بلدى خالص
هو المحجمد كويس زى ساديا أو المزارع السعودى طبقة الدهن بتكون رقيقة جدا جدا والطعم مختلف تماما عن اللى بتتباع عند بتوع الفراخ اللى عند بتوع الفراخ بتكون زفرة جدا وعاملة زى الكاوتش :)

[size=4]بس ساديا أو المزارع السعودي مافيهاش كبدة أصلا :)[/size]
[size=4][/size]
[size=4]الحل زي ما قلتلك نروحي لواحد ملتزم من بتوع الفراخ وتوصيه علشان بيجبهم بالطلب [/size]
[size=4][/size]
[size=4]والبلدي لما بيتنضف الراجل بيسيب عنقود البيض من نفسه [/size]
[size=4][/size]
[size=4]اصلا بيجيبهالي بالبيض الي كانت هتبيضه عنده :)[/size]
[size=4][/size]
[size=4]حاولي ان شاء الله تلاقي بإذن الله[/size]
[size=4][/size]
[size=4]وبالنسبة للكبدة البقري الدكتور هيقولك امتى تقدري تأكليها منها حسب سنها[/size]
[size=4][/size]
[size=4]ربنا يبارك لك فيها يارب [/size]

[quote=*أم مريم*;453301][size=4]بس ساديا أو المزارع السعودي مافيهاش كبدة أصلا :)[/size]

[size=4]الحل زي ما قلتلك نروحي لواحد ملتزم من بتوع الفراخ وتوصيه علشان بيجبهم بالطلب [/size]

[size=4]والبلدي لما بيتنضف الراجل بيسيب عنقود البيض من نفسه [/size]

[size=4]اصلا بيجيبهالي بالبيض الي كانت هتبيضه عنده :)[/size]

[size=4]حاولي ان شاء الله تلاقي بإذن الله[/size]

[size=4]وبالنسبة للكبدة البقري الدكتور هيقولك امتى تقدري تأكليها منها حسب سنها[/size]

[size=4]ربنا يبارك لك فيها يارب [/size][/quote]
فعلا مشكلة ساديا ان مفيهاش كبدة بس كطعم فعلا حلوة أوى
ربنا يرزقنا بواحد بتاع فراخ ملتزم :)
أنا فاكرة عناقيد البيض دى مشفتهاش من أيام ما كنت فى اعدادى دى كانت اخر مرة اشوف فيها عناقيد البيض فى الفرخة :)
ربنا يكرمك يا أم مريم على نصائحك الغالية ويجزيكِ عنى خيراً

[CENTER][FONT=jameel][SIZE=6][COLOR=#2e8b57]بارك الله فيك [/COLOR][/SIZE][/FONT][/CENTER]

وفيكِ بارك الله يا غالية

الحمد لله ربنا يبارك لكِ في سمية ويرزقك برها ويبلغك اشدها اللهم آمين.