ومين يسمع ـ مراسلنا سميع ـ
 

[center][font=traditional arabic][size=6][color=#ec6400][b]ومين يسمع [/b][/color]
[b][color=#5d5552][/color][/b]
[color=#808080][color=#808080][b] بقلم[/b][/color] على سلامة[/color] [/size][/font]
[font=traditional arabic][size=6]يا ترى دى ضحكة
ولا دى آه..
افتح الشباك..
اتنفس..
اصبحنا واصبح الملك لله
ياه..
سرقنى الوقت
والنهار خلاص
قرب يطلع..
بس الشمس ليه مترددة..
وانا كمان
ما بين كده.. وكده..
يا واد تروح..
يا واد ترجع..
سامحنى يا ابنى
مفيش شىء تانى أتسند عليه
غير قلبك الطاهر..
ما عرفش ليه دايماً بسافر..
وانت نايم
وأخاف أحضنك تقلق يا غالى..
كل اخواتك موافقين..
على إنك أجمل عيالى..
أخاف تصحى
تلخبطك دمعة فى عيونى
وأنا اللى إمبارح
كنت بضحك معاك بصوت عالى..
سامحنى يا ابنى
مجاش أبداً فى بالى..
إن الحال يبقى كده
مفيش شىء ف بلدى بقى ينفع..
فساد كل يوم يكبر
بياكل كل شىء
ولا يشبع..
ولسه الطماع بيطمع..
تمد حبل الود
تتمد ألف إيد تقطع
وصداقة عمر
فى لحظة حزن ما بتشفع..
عارف..
مفيش شىء تانى
يربطنى بالأرض دى غيرك
أنا حاولت سنين
وقلت كتير من قلبى
لكن مين يقرا
ومين يسمع..
[/size][/font][/center]