طريقة جميلة أوى وسهلة جدا لعمل الفراخ (مناسبة للى عاملين رجيم)
 

[center][size=6]السلام عليكم ورحمة الله وبركاته

[/size][color=indigo][size=5]كيفكن أخواتى الحبيبات

جيبالكوا النهاردة وصفحة جميلة وسهلة جداااااااااا للفراخ

ومناسبة جدا لو حد عندك بيعمل رجيم
وغير تقليدية وموفرة للوقت والجهد
اتعلمتها من حماتى وضفت عليها شوية حاجات



لما بتحبي تعملى فراخ بتسلقها وتحمريها ودى طريقة تقليدية جدا
لكن لو عايزة تبتكرى فى طعمها بتضطرى تتبليها قبلها بساعات عشان تتشرب التتبيلة

لكن الطريقة اللى هقولهالك لذيذة جداااااا وفى نفس الوقت مش بتحتاج لا وقت ولا جهد

بتجيبي الفرخة وتقطعيها على 4
وتغسليها كويس اوى بالدقيق والملح عشان الزفارة بتاعة الفراخ
وتحطيها فى صنية تيفال
وتضيفي عليها ربع كوب ماء
وملح وفلفل بس كترى الفلفل
ولمون اعصري تقريبا 3 لمونات كبار
وشوية مسطردة ولو مش عندك مفيش مشكلة
و 3 فصوص توم
بس كده

بتدعكى الفراخ كويس اوى بالتتبيلة تحطيها على نار هادية جدا وتغطيها
وتتابعيها كل شوية عشان تشوفى الماية نشفت ولا لاء
اول ما تستوى والماية تنشف هتلاقيها بدأت تتحمر
قلبيها على الوش التانى
وتكونى مولعة على فحمة
واول ما تطفى على الفراخ تحطى الفحمة فى الصنية وتحتها قشرة بصل وتحطى على الفحمة نقطتين من اللمون اللى فى الصنية وتغطى بسرعةةةة


ريحة وطعم فوق الوصف بجد ممتاااااازة

واللى هتجربها هتدعيلى ان شاء الله
وبالهنا والشفا :)
[/size][/color]
[/center]

[size=5]وعليكِ السلام ورحمة الله وبركاته[/size]
[size=5]تسلم ايدكِ وبارك الله فيكِ.[/size]