حصرياً : وللأول مرة على صفحات المنتدى (( هى فوضى ))

[الوليد المصري]

http://i16.servimg.com/u/f16/11/50/08/00/salam10.gif
http://img413.imageshack.us/img413/2249/mod4uf8.gif
http://img413.imageshack.us/img413/2249/mod4uf8.gif
http://img413.imageshack.us/img413/2249/mod4uf8.gif
http://img413.imageshack.us/img413/2249/mod4uf8.gif



هى فوضى ؟ أيو فوضى !
والســــــــؤال ده
ليه فـ عقلـي كتير جواب
أسمع يا حضرة
لما تبقى الدنيا ســوده
مكسيا بلـــون الهباب
والكـل عايش فـ ارتياب
والشباب
قفلوا فـ وشوشهم ألف باب
ولما يبقي طمــوح شبابنا
نـــص كيلوا مـ الكباب
تبقى صــارت الدنيا غابة
واتحكم فيها الكــــلاب
والكــــلاب ويا الديابة
نزلوا نهــش فـ الغلابة
غرسوا فيهــم ألف ناب
ولى يهــرب مـ النياب
يلقى أصناف العـــذاب
والشعب
عايش ليل نهـار
فـ الانتحـــاب
و فـ الهبـــاب
ويبقي أســــود يوم
يا بلـــــدي
هو يـوم الإنتخاب
تبقى أيه
تبقى فوضى ؟ أيو فوضى !
وهى فوضى
والســــــــؤال ده
ليه فـ عقلـي كتير جواب
أسمع يا حضرة
لما يتحكم ويحكم فـ البلاد
حاكــــم .... ده أسمه
والحقيقة أكبــر الجـلاد
والفعــل مليـان بالفساد
يبقى هتلاقـــى العجايب
مـ الخلايـــق و العبـاد
رشوة و ربــا وكتير فساد
والمعلن ...... هدايا وهبات
ويبقى الأصــل فـ الضمير
أنــه جمـــــاد
أو أنــه مــــات
وتعمل له يومين حـداد
ولما يحين يوم الحصاد
نحصــد فسادهــم
سوس بينخر فـ العماد
وتصبح بلدنا كوم رماد
تبقى أيه
تبقى فوضى ؟ أيو فوضى !
وهى فوضى
والســــــــؤال ده
ليه فـ عقلـي كتير جواب
أسمع يا حضرة
لما تبقي الحقيقـــة
في الحقيقـة بألف وش
ولما يكون أساس بلادى
كـلـــه قـــــش
شئ طبيعى يا بـــلادى
يعلى فيكـى كـل غــش
ولى يرضى يعيش بـ وش
ياكــل فيها دود بمـش
تبقى أيه
تبقى فوضى ؟ أيو فوضى !
وهى فوضى
والســــــــؤال ده
ليه فـ عقلـي كتير جواب
أسمع يا حضرة
لما تتغير حقايــــــق
فكل ثانية مش دقايــــق
ولما يســــرق الحرامى
ويبقـــى رايــــــق
ولما يُحكـــم يا بــلادى
الضلالي ويبقـي سايـــق
ولى فيكــي يا بـــلادى
يبقـــى فايـــــــق
تتفتح ليـــــه المحـارق
وفـ السجون يكون سوابـق
أو يُعلـق عـ المشانـــق
وتبقى بلدى عـ المفــارق
والكل عايش فيها غــارق
وإلـ يحكم فيها حـــارق
تبقى أيه
تبقى فوضى ؟ أيو فوضى !
وهى فوضى
والســــــــؤال ده
ليه فـ عقلـي كتير جواب
أسمع يا حضرة
لما يكتر فـ البلاد دى
إلـ بائس وإلـ جايع
ويبقى الحظرعـ الجوامع
و إلـ يحكم فيها بايع
يكتروا ولاد الشوارع
و يكتروا نساء الشوارع
يبقى فيها البلطجية ولى صايع
و الأصل يبقى الكل ضايع
و تبقي فيكى يا بلدنا
الخلق عايشه بالمواجع
والرئيس مبسوط وسامع
تبقى أيه
تبقى فوضى ؟ أيو فوضى !
وهى فوضى
والســــــــؤال ده
ليه فـ عقلـي كتير جواب
أسمع يا حضرة
لما تتجيش جيوش
عـالفقير إلى ملوش
إلـ كل طموحه هو
حبة عيش ويا الغموس
لحد متبقى حياته ضلمه
عايش فيها كالكابوس
وكل أمله ينام ويحلم
بالـ أسموها الفلوس
تبقى أيه
تبقى فوضى ؟ أيو فوضى !
وهى فوضى
والســــــــؤال ده
ليه فـ عقلـي كتير جواب
أسمع يا حضرة
لما يبقى نظام بلادك
عاثَ فيها كالتتار
يبقى حددلك خيار
تحيا فيها كالحمار
و تنسي كلمة الازدهار
أو تموت بالانتظار
إن يُطل عليك نهار
ويبقى فاضل ليك يا صاحبي
فـ البلد أخر قرار
اما أن تحيا بمرار
أو تموت بالانتحار
تبقى أيه
تبقى فوضى ؟ أيو فوضى !
وهى فوضى
والســــــــؤال ده
ليه فـ عقلـي كتير جواب
أسمع يا حضرة
لما يبقي فيه قانون
يرسموه ويلونه
بألف لون
ويفصّلوه كده بالمقاس
على الزبون
وتضيع حقوق الخلق
وكله بالقانون
ويبقي أعظم فن
فـ دنيا الفنون
الضحك والنصب
على أصحاب الذقون
ولما صاحب الحق
يعيش الألم ويا الشجون
والدمع محبوس فـ العيون
يحيا إلـ باقي من حياته
فـ السجون أو فـ الجنون
تبقى أيه
لما يبقي فيه ملك أو فيه رئيس
كل همه عـالوريث
لما يبقى خير بلادى
للـ باغى ولى عادى
لليهبش ولى ينتش
ولما يبقي العرى فن
ولما يبقى ......
ولما يبقى ......
ولما يبقى ......
تبقى أيه
تبقى خيبة وتبقى عيبة
تبقى وكسه وتبقى نكسه
إن احنا نسأل
دا السؤال



أولاً أخوانى الكرام رجاء لا تنسونا من صالح دعواتكم
وتعليقاتكم ومشاركاتكم وردودكم


منقول

[أبو عمر الأزهري]

إلى الله المشتكى
إلى الله المشتكى

جزاك الله خيرا أبا عيسى

[أم عمر]

جزاك الله خيرا ياأخى فعلا قصيدة(تجاوزا)معبرة جدا

ولا تعليق آخر

[الوليد المصري]

إلى الله المشتكى
إلى الله المشتكى

جزاك الله خيرا أبا عيسى



وجزاك أخي الحبيب

[الوليد المصري]

جزاكم الله خيرا

[هجرة إلى الله السلفية]

جزاك الله خيرا

تختم بختم التميز

[اعزكم الله]

قصيده عاميه معبره الى حد كبير عن الواقع وإن كان فيها بعض التجاوز فى الالفاظ
هذا رأيى الشخصى , ومع ذلك
جزاك الله خيرا

[*جويرية*]

جزاك الله خيرا

تختم بختم التميز


صدقتم أمـــاه.. وجزيتم الجنة جماعة الخير

اللهمَّ أبرم لهذه الامة أمـر رُشــدد يُــعز فيها اهل الطاعة..ويُـهدي ف اهل المعصية والفساد..

[ايوبة الصبر]

جزاك الله خيرا
هى فعلا فوضى

[تحب ربها]

جزاكم الله خيرا

[سلسبيله هارون]

جزاك الله خيرا وبارك فيك

حقيقة واضحة هى فوضى

[أبو مُعاذ السلفي]

جزاك الله خيرا اخى الوليد

[الوليد المصري]

لما يبقى خير بلادى
للـ باغى ولى عادى
لليهبش ولى ينتش
ولما يبقي العرى فن
ولما يبقى ......
ولما يبقى ......
ولما يبقى ......
تبقى أيه
تبقى خيبة وتبقى عيبة
تبقى وكسه وتبقى نكسه
إن احنا نسأل
دا السؤال

[هجرة إلى الله السلفية]

صدقت.. واوجعت

لكن ....

مازالت هي فوضي


جزاك الله خيرا
ونفع بك