((أكلات ووصفات الأخوات مع التقييم ... ))

[(أم عبد الرحمن)]

بسم الله الرحمن الرحيم

الموضوع ده جديد نوعا وكل أخت هتكتب فيه نوع أكلة مفضلة لديها وتتقن عملها ...
يعنى المطلوب اسم الوصفة
مقاديرها
طريقة عملها
وبعدين الأخوات يجربوها وأنا أولكم طبعا ونحط جنبها التقييم بتاعها من أول نجمة لحد خمس نجوم ....
ايه رأيكم ؟

[أم البراء]

فكره جميله جدا يا راجيه الجنه
وانا هحط كام وصفه بحبها وبعرف اعملها وهيه وصفات سهله ان شاء الله يمكن الكل عارفها
لكن انتى قولتى انك اولنا طب فين وصفتك؟؟؟
مستنين الوصفه

[(أم عبد الرحمن)]

فكره جميله اوى يا راجيه الجنه
وانا هحط كام وصفه بحبها وبعرف اعملها وهيه وصفات سهله ان شاء الله يمكن الكل عارفها
بس انتى قولتى انك اولنا طب فين وصفتك؟؟؟
مستنين الوصفه

ربنا يكرمك أختى الحبيبة أمة الله بس انتى فهمتينى غلط ، أنا أقصد أنى أول واحدة هجرب الوصفات واديكوا تقييم عليها لكن عشان خاطرك هبدأ بوصفة جميلة اوى وهى :

البسبوسة

المقادير :
1ونص كوب سميد
نص كوب جوز هند
ثلاثة أرباع كوب سكر
علبة قشطة ( نسلة أو أى نوع )
بيضة واحدة
3 ملاعق بودرة لبن ( مش لبن )
3 ملاعق صغيرة بكينج بودر
مكسرات للتزيين

الطريقة :
تعجن جميع المقادير مع بعض جيدا باليد ( ممكن تحتاج قليل من اللبن وممكن لا حسب نوع السميد )
تبطن صينية مقاس 30 بالسمن ( خفيف )
تفرش العجينة بالتساوى وتزين بالمكسرات الموجوده ( فستق مجروش أو أنصاف لوز أو بندق )
وممكن من غير مكسرات خالص ( حسب الذوق وحسب الموجود )
تخبز فى فرن على درجة 350 أو متوسط الحرارة
ملحوظة : ضعى الصينية على الرف العلوى قدر الامكان عشان لاتكون غامقة من الآسفل ...
ثم تسقى فور خروجها بالشراب البارد ( مش من الثلاجة لكن يكون برد مش سخن )
وبالهنا والشفا

[مع الله]

very good

it is great idea

thanks Ragia

[أم معاذ]

اذا كان على الحلويات سهله بأذن الله


التورته

أناهكتبلكم طريقة عمل التورته وطبعا متجربة

أولا الكيكه الأسفنجية بالدقيق العادى

المقادير:

من كوب ونصف الى كوب وثلاثة أربع دقيق

معلقة مش مليانه بودر

كيس فانيليا

8 بيضات

كوب ونصف سكر مطحون

الطريقة

1- يضرب السكر المطحون مع البيض من ثلث لنصف ساعة حتى يصير العجين فاتح اللون وثقيل القوام

2-نضع البودر على الدقيق فى وعاء

3-يتم اضافة الدقيق المخلوط بالبودر على الخليط بس معلقه معلقة وتقلب فى اتجاة واحد يعنى كل ماتحطى معلقة دقيق على السكر والبيض تقلبى يمين مش مرة يمين ومرة شمال
والتقليب يكون بالراحة اوى عشان الكيكة ماتكلكعش

4- تبطن الصينية وتوضع فيها الكيكة لمدة نص ساعة
اول10 دقايق حرارة هادية مثلا 180 وبعدين على شويه مثلا 200

وبالهنا والشفا


التذويق
أبسط خامات ممكن تذوقى بيها


أولا :الكريمه

اشترى ثمن كيلو كريمة خام بدون سكر
وتضيفى عليها نصف كوب سكر مطحون
وتضيفى عليها ثلث كوب لبن وشوية ميه زيهم حسب الكريمة انتى عيزاها تقيلة ولا خفيفة لو خفيفة زودى ميه وتضرب بالمضرب حتى يصبح العجين متماسك

لوضع الكريمة

تشق الكيكة من النصف وتذوق من الداخل بالكريمة ثم تركبى النصفين وتغطى الوش والجوانب بطبقة كريمة

الذواق النهائى

ممكن بالفواكة أو الشكولاته

*لتذويق بالكنبوت المعلب (فواكة اخرى)

يقطع شرائح ويوضع فى مثلثات مثلا او على الجوانب على حسب رؤيتك التجميليه

* لتذويق بالشوكولاته
الشكولاته الخام تشترى تمن مثلا وتبشرية بسكينه مشرشرة وتنشريها مع (فرماسيل) ملون أو بنى وتعملى ورورد وتحطى عليها كريز أحمر بيبقى شكلة ناطق


الذواق مش مشكلة حسب رغبتك انتى


يارب تكونوا فهمتو وأى استفسار انا فى الخدمه

ملحوظه : تعملى الكيكة وتضربى الكريمة وتحطها تسقع متبقاش شيحه

فى يوم واليوم اللى بعد كده تذوقى عشان النتيجة تبقى افضل

[(أم عبد الرحمن)]

تسلمى ياأم عمار
بكرة الجمعة ومستنيين النتيجة
وماتنسوش تكثروا الصلاة على النبى ليلة ويوم الجمعة ....

[(أم عبد الرحمن)]

تسلمى ياحبيبتنا ياأم معاذ على التورتة

[أم البراء]

هيه اكله تعتبر من السلطات
مكوناتها بسيطه جدا وسهله (سلطه باذنجان)
2 حبه متوسطه باذنجان
ملح
فلفل اسود
قليل من قطرات الخل
معلقه كبيره طحينه
الطريقه
قومى بقلى الباذجان فى كميه من الزيت وبعد القلى قومى بنزع القشره الخارجيه لها ثم اهرسيها فى طبق
جهزى الطحينه بوضع كميه قليله من الماء عليها ثم اضافه الملح والخل والفلفل الاسود مع التقليب
ثم ضفيها على الباذنجان المهروس وقلبيها الى ان تتداخل المكونات مع بعضها
وقدميها بارده وبالهنا والشفا

[أم البراء]

ودى وصفه تانيه ايضا للباذنجان
(البابا غنوج)
المكونات
2 حبه كبيره باذنجان
1حبه فلفل اخضر مقطع مكعبات
1 حبه فلفل احمر مكعبات
1 حبه طماطم متوسطه مكعبات
1 بصله متوسطه مكعبات
ملح وفلفل اسود
الطريقه
تقلى حبات الباذنجان فى الزيت وقشر وتهرس فى طبق
ثم قومى باضافه جميع المكونات السابقه عليه وقلبيها
ضعى كل تلك لمكونات فى صنيه ثم ضعيها بالفرن لمده ربع ساعه
وتقدم بارده او ساخنه

وبالهنا والشفا يا حبايبى
وفى وصفه كمان بالباذنجان
بس المره الجايه ان شاء الله

[أم معاذ]

الأخوات الحبيبات

فين الأكلات الجميلة



؟!!!!!

[بسمة الفجر]

جزاكم الله خيراً على الأكلات والوصفات الجميلة

بالنسبة للبسبوسة كان ليا سؤال دقيق السميد باشتريه منين ؟ ولا ممكن استعمل علبه البسبوسة الجاهزة

اللى عليها طريقتها ؟؟ اصل بتهيألى طريقتك مختلفة غاليتى راجية الجنة فيها بيض وكده وانا عاوزة اجربها

لأنها إن شاء الله تكون أحلى بكتير من الطريقة اللى على العلبة:)



معلقة مش مليانه بودر


معلش ياأم معاذ مش عارفه تقصدى ايه بالبودر

يكون قصدك بيكنج بودر اصلى بالنسبة للبيكنج

بودر بحط الكيس كله وخلاص

علشان تفتح


هو ده اللى تقصديه

جزاكِ الله خيراً وجزاكِ حبيبتى أمة الله على وصفة البابا غنوج الجميلة

[بسمة الفجر]

البطاطس البورية أنا اتعلمتها من أم تيم الله جزاها الله خيراً وأسعد قلبها وأزال همها وفرج كربها

وجربتها وعملتها أكثر من مرة وعجبتنى

وإن شاء الله تعجبكم

فهأنقلها منها ........
.
.
.
http://akhawat.islamway.com/forum/style_images/zajil/nav_m.gif الدرس الثانى لمدرسه الطهى : بطاطس بوريه (مهروسه)
.


الدرس التانى
سهل و ينفع لايام البرد و ايام الشتا
و ينفع للمرضى و كبار السن و الاطفال و يحبه الكل و طريقته سهله و ممكن يكون طبق جانبى مع اللحوم و الخضروات و الدواجن .............. http://akhawat.islamway.com/forum/style_emoticons/default/icon17.gif




البطاطس البوريه mashed potatoes - pure


يلا اكتبى :



حوالى 8 حبات بطاطس يتغسلو كويس جدا !
يتقشرو ( بالمقشره او السكين ) زى ما تحبى زى الصوره :
http://www.visualrecipes.com/files/recipe-images/171_image3.jpg

و بعدين تجيبى حله و فيها مياه تغمر الحبات و تضعى الحبات المقشره فيها زى الصوره http://www.visualrecipes.com/files/recipe-images/171_image4_sm.jpg
و تسيبيها تغلى لحد ما تتسلق و تكون طريه لو غرستى فيها الشوكه تكون مستويه مش جامده :
http://www.visualrecipes.com/files/recipe-images/171_image15.jpg
و لما تستوى تصفى الميه بتاعتها و تهرسيها بالمهرسه او حتى الشوكه لانو لازم تكون طريه و تتهرس معك بسهوله http://www.visualrecipes.com/files/recipe-images/171_image16.jpg

سيبى البطاطس على جمب الان و فى طاسه تانيه :

بعدين تجيبى بصله خضراء تتقطع رفيع و 5 حبات ثوم تتقطع برضو ناعم جدا زى كده :
http://www.visualrecipes.com/files/recipe-images/171_image9.jpg

و بعدين تجيبى معلقه زبد و 2 ملعقه زيت صغيره ( علشان الزيت و الزبد مع بعض ما يتحرقوش بسرعه لو الزبده لوحدها تتحرق اسرع ) و بعدين تحطى الثوم و البصل اللى مقطعاهم فى الطاسه مع الزبد و الزيت كده :
http://www.visualrecipes.com/files/recipe-images/171_image13_sm.jpg

و تسيبيها 5 دقايق تتغير لونها : شوفى :
http://www.visualrecipes.com/files/recipe-images/171_image14_sm.jpg


تحطى بقى الخليط بتاع الزبد و الزيت و الثوم و البصل على البطاطس :
http://www.visualrecipes.com/files/recipe-images/171_image17.jpg

و حوالى كوبايه حليب:
http://www.visualrecipes.com/files/recipe-images/171_image19.jpg

و جبنه مبشوره ( اى نوع و الكميه اللى تحبيها حوالى نصف كوب )
http://www.visualrecipes.com/files/recipe-images/171_image20.jpg


ممكن تزودى عليها كريمه sour cream لو حبيتى قبل التقديم ( 3 ملاعق)

و تقلبى المكونات و تحطى الملح و الفلفل (حسب التذوق)
و اتفضلى :

خلااااااااااااااااااااااااص

http://www.visualrecipes.com/files/recipe-images/171_image21.jpg



منقووووول

[(أم عبد الرحمن)]

أختى الحبيبة بسمة الفجر بالنسبة للبسبوسة انا بشتريها من السوبر ماركت كيس مكتوب عليه سميد ( من غير اضافات طبعا ) وبعمله بنفس الطريقة المذكورة وبتطلع البسبوسة جميلة ...

................

بالنسبة للبطاطس البيوريه تسلم ايديكى وممكن طريقة تانية اخف شوية يعنى مافيهاش ثوم وهى كالتالى :
بطاطس مسلوقة ومهروسة
+
معلقتين زبدة
+
معلقتين بقدونس مفروم
+
ملح وكمون وشوية شطة
+
ربع كوب لبن للتليين

وتتزين بشوية زيتون وشرائح خيار

وبالهنا والشفا

[أم البراء]

ماشاء الله
جميله يا بسمه البطاطس البوريه
جزاكِ الله خيرا

[أم معاذ]

معلش ياأم معاذ مش عارفه تقصدى ايه بالبودر

يكون قصدك بيكنج بودر اصلى بالنسبة للبيكنج

بودر بحط الكيس كله وخلاص

علشان تفتح


هو ده اللى تقصديه



معلقة صغيرة مش مليانة بكنج بودر
واتنى بقية الكيس وعنية استخدمية فى حاجة تانية

[أم البراء]

على فكره يا ام معاذ
كيس البيكنج بودر لما بينفتح ما ينفعش نستخدمه تانى
يعنى كفائته فى النفش لا تكون قويه مثلما تكون اولا
لن يكون هناك شىءلو وضعتى الكيس كله
انا اضعه كله ولا يحدث شيئا

[بسمة الفجر]

أختى الحبيبة بسمة الفجر بالنسبة للبسبوسة اصلى مش عايشة فى مصر وانا بشتريها من السوبر ماركت كيس مكتوب عليه سميد ( من غير اضافات طبعا ) وبعمله بنفس الطريقة المذكورة وبتطلع البسبوسة تجنن ...
أنا كنت واخدة الطريقة من واحدة صاحبتى وبعدين انتشرت بشكل جامد ...
وبالهنا والشفا ومستنيين النتيجة ...

بالنسبة للبطاطس البيوريه تسلم ايديكى وممكن طريقة تانية اخف شوية يعنى مافيهاش ثوم وهى كالتالى :
بطاطس مسلوقة ومهروسة
+
معلقتين زبدة
+
معلقتين بقدونس مفروم
+
ملح وكمون وشوية شطة
+
ربع كوب لبن للتليين

وتتزين بشوية زيتون وشرائح خيار

وبالهنا والشفا

جزاكِ الله الخـــــــــير كله ياغالية أنا كده فهمت :)

طريقتك لعمل البطاطس جميييييييلة وفعلاً أخف

هو بيبقى صحيح تقيل بالثوم والبصل بس الطعم حلو

أنا عملته كذا مرة وبعدين بقيت بستسهل وبهرس البطاطس وشوية توابل عادية ولو قشطة اولبن اوزبدة

أو كلهم وخلاص:)

جزاكِ الله الجنة حبيبتى

[بسمة الفجر]

ماشاء الله
جميله يا بسمه البطاطس البوريه
جزاكِ الله خيرا

الله يكرمك حبيبتى

جربيها وجربى كمان بطريقة راجية الجنة هاتلاقيها جميلة ان شاء الله

[بسمة الفجر]

معلقة صغيرة مش مليانة بكنج بودر
واتنى بقية الكيس وعنية استخدمية فى حاجة تانية







جزاكِ الله خيراً حبيبتى وأكيد التورتة بتاعتك بتطلع جميلة

لأن أم معاذ هى اللى عملتها بس انتى متأكده انك بتحطى سكر؟؟؟

[ام البنين]

http://www.up07.com/up7/uploads/5fd724b8f2.gif (http://www.up07.com/up7)

تشكن دجاج

انا مرة صورتها لكن اختفت الصورة
ان شاء الله لما اطبخها اصورهها مرة ثاانيه

كيلواصدر دجاج من دون عظم

كل الوان الفلفل الاخضر ولاصفر والاحمر

علبة ذرة

4حبات جزر

علبة فقع

وجميع البهارات والكركم عندنا في فلسطين نقول عن الكركم عقدة صفراء

نصف كاس زيت الزيتون

طريقة التحضير

نقسم الفلفل الى شرائح طويله

ونقسم ايضا البصل الى شرائح طويله

ونضعهم في المقلاة كبيرة ونضع فوقهم الذرة والفقع وشرائح البصل

من دون زيت

وعلى نارهاديه ونغطي المقلاة لمدة نصف ساعه حتى تتبل الخضروات

ونكون نحن وضعنا في مقلاةثانيه شرائح الدجاج مع قليل من الزيت

وحركنهم لمدة ربع ساعه


واذا بتحبوا ان تضعوا قليل من الفلفل الحار



http://www.up07.com/up7/uploads/2284468485.gif (http://www.up07.com/up7)


وبعد ربع ساعه نضع فوق الخضروات الدجاج ونقلبهم معا لمدة عشردقائق


وصحتن وهنا

اي استفسار انا في الخدمه

[أم البراء]

جزاكى الله خيرا يا ام البنين على الوصفه الرائعه
وأهم حاجه انها مجربه
يعنى وصفه مضمونه

[مع الله]

راااائع
بجد تسلم ايدك يا ام البنين

[ام البنين]

http://www.up07.com/up7/uploads/7f46055f11.gif (http://www.up07.com/up7)



اختي امة الله واختي اام عمار



صحتين وهنا
http://www.up07.com/up7/uploads/afe96ae4bd.gif (http://www.up07.com/up7)

[(أم عبد الرحمن)]

تسلم ايديكى اختنا الحبيبة أم البنين
الأكلة دى جميلة وغير تقليدية وفى نفس الوقت سهله
لاتحرمينا من المزيد ...

[ام البنين]

http://www.up07.com/up7/uploads/26283ec095.gif (http://www.up07.com/up7)

[ام البطل]

تسلم اديكم جميعا الاكل كله جميل
انا هجرب الحلويات والبزنجان واقول رأى
وسوف اقدم لكم طريقة البيتزا
ولكن غدا ان شاء الله
وشكرا

[ام البطل]

المقادير


1- 2 كوب دقيق .
2- 2 بيضه .
3- 1/2 كوب من الزيت .
4- ملعقه خميره بودر .
5- ذره ملح .
6- ملعقه سكر لأختبار الخميره .

__________________________________________________ ______

الطريقة


نضع كل المكونات على بعضها ؛ ونعجنها جيدا ؛ ونتركها 1/2 ساعه تخمر . وبعدين فرد العجينه في صنيه رقم 32 ... وبعدين نحضر علبه من الصلصه وندهن العجينه من فوق الوش ؛ ثم نضع اللحمه العصجه .. والفلفل الرومي الشرائح والزتون المخهلي و الجبنه المتزرله ...( بلاش متزرله لأنها دنمركيا ) خليها جبنه رومي مبشوره .. واذا حبيتي تضعى بصل شرائح حسب الرغبه ثم نضعها في الفرن 45 دقيقه على درجه 180 .... وتأكل ساخنه علشان تبقى لذيذه ...

وبلهناء والشفاء

[(أم عبد الرحمن)]

بارك الله فيك أختنا الحبيبة أم البطل
وصفة راائعه
والبيتزا لها شعبية كبيرة لدى الجميع

[(أم عبد الرحمن)]

انتظرونى قريبا أخواتى الحبيبات سآتيكم ببعض الاكلات الغريبة واللذيذة والسهلة ايضا ان شاء الله

[(أم عبد الرحمن)]

السلام عليكم أخواتى الحبيبات

هنبدأ اليوم بأكلة شعبية بس بطريقة روعة جدا
اليكم طريقة :

شوربة العدس

المقادير

2 كوب عدس اصفر
5 ملعقة كبيرة زيت
1 بصل كبير مفروم
1 عرق كرفس مع الورق مقطع صغير
2 فص ثوم
8 كوب مرق دجاج او لحم
1 ملعقة صغيرة كمون مطحون
1 بصل صغير مقطع شرائح
1 جزرة مقطعة صغير
1 ملعقة كبيرة عصير ليمون
ملح وفلفل


الطريقة

يغسل العدس بالماء جيدا
توضع 3 ملاعق زيت على نار متوسطة ويحم البصل المفروم والجزر والكرفس والثوم لمدة عشر دقايق
يضاف المرق والعدس ويترك حتى يغلى
تخفف درجة الحرارة ويترك المرق لمدة 45 دقيقة
عند التأكد من أن العدس أصبح طريا يضاف الملح والكمون
تخفف الحرارة ويترك الحساء لمدة 10 دقائق أخرى ليتشبع بالنكهة
يبعد الحساء عن النار ثم يصفى أو يضرب فى الخلاط
تسخن 2 ملعقة كبيرة زيت فى اناء وتحمر شرائح البصل الى ان يصبح لونها بنيا
توضع شرائح البصل المحمرة على ورق نشاف ليمتص الزيت الزائد
تزين شوربة العدس بعصير الليمون والبصل المحمر عند التقديم

وعلى فكرة الطريقة دى من كتاب أسامة السيد

http://www.chefosama.com/httpdocs/images/posted/cont_4_109_1.jpg

[(أم عبد الرحمن)]

شيش طاووق


هناك طريقتان للتتبيل

الطريقة الاولى
دجاج مخلى ومقطع مكعبات
علبه مشروم ( فطر )
حبة فلفل رومى
ثوم ناعم
رشة زعتر ناعم
ملح بهاروعصير لمونة
املعقة صغيرة خردل ( مستردة )
1 ملعقة كبيرة زيت نباتى

الطريقة الثانية
دجاج مخلى ومقطع مكعبات
زبادى
ثوم وبهار
ملح فلفل وليمون
للتزيين: عيدان خشب وفطر وفلفل وبصل


الطريقة
تخلط جميع المقاديروتترك من الليل فى التلاجة
تقلى بعد رصها فى العيدان بالترتيب دجاج فلفل طماطم بصل فطر
او
تشوى وتستخدم فحمة عشان تعطى رائحة حلوة
او
ممكن وضعها فى الفرن تحت الشواية فى صينية مبطنة بورق فويل

تقدم مع أرز أبيض وسلاطة خضراء
وبالهنا والشفا

http://www.nestle-offers.com/recipes/big-1121.jpghttp://www.alzad.ae/Image10.jpg

[ام البطل]

جزاكن الله خيرا

[(أم عبد الرحمن)]

ربنا يكرمك أختنا الحبيبة أم البطل

[ام البطل]

شكرا لك اختى ام عبر الرحمن
انا عملت البسبوسه وحده
على طريقتك بلقشطه
ووحده بلسمنه
وتسلم ايدك
وان شاء الله سوف اعمل لكم
فطيرة السبانخ

[ام البطل]

طريقة عمل فطيرة السبانخ

اولا مقارير العجينه
-------------------- 3 كوب دقيق قمح + نصف كوب زيت+ ذرة ملح+ ماء دافىء للعجين
ثانيا مقادير الخلطه
------------------- بصله متوسطه +فلفل اخضر + بطاطس مسلوقه ومقطعه صغير+ مقدونس
+نصف ك سبانخ + ربع ك لحمه معصجه
الطريقه
------------- اول حاجه ننقع السبانخ مع حبة ملح للتخلص من الماء الزائد
نضع الدقيق +ذرة الملح +الزيت ونخلطهم جيدا ثم نضع الماء بلتدريج حتى ينظف ا
ايدينا ونتركها ونغطيها بفوطه منديه
الخلطه
------------- نقطع البصله مكعبات صغيره ونضعها على نار هادئه ثم نضع قليل من الفلفل
الاسود وبعد ما تصفر البصله نقفل النار ثم نضع البطاطس والفلفل الاخضر
والمقدونس والجبنه ونقلبهم جيدا ثم نعصر السبانخ جيدا ونضعها ثم العصاج


ثم نحضر العجينه ونقسمها الى ثلث وثلثين ثم نأخذ الثلثين ونفردها بلنشابه
ونضعها فى صنيه مقاس 32 وتكون اطراف العجينه خارجه عن الصنيه ثم نحضر
الخلطه ونفردها فى الصنيه ثم نحضر باقى العجينه ونفردها بلنشابه ثم نغطى
الخليط ثم نأخز اطراف العجينه الاولى ونقفلها ثم ندهن الوجه بعض الزيت
وتوضع فى الفر نصف ساعه على درجة حراره 180 درجه


على فكره ممكن نستغنى عن العجينه ونستعمل الرقاق
وبلهنا والشفا

[(أم عبد الرحمن)]

سلمت يداك أختنا الحبيبة أم البطل
وان شاء الله نجربها
وفقك الله

[ام البطل]

هذا من بعض ما عندكم اختى ام عبد الرحمن
واليكم طريقة
العيش الفينو
الان الفينو اصبح فى الفرن بقصمات

المقادير
---------1 ك دقيق+ 2كوب ماء + 2 بيضه + ملعقه كبيره خميره + ذرة ملح +2ملعقة سكر
2ملعقة سمسم + 2ملعقة سمن

الطريقه
-------- نضع الخميره مع السكر وعليها ماء ساخن للاختبار
يوضع الدقيق فى ايناء كبير ويوضع عليه ذرة الملح والسمن ويفرك جيدا
حتى تنتهى اثار السمنه ونضرب البيض جيدا ثم يضاف الى الدقيق
ثم تضاف الخميره ومقدار الاء حبه حبه ثم تلت العجينه جيدا ثم نتركها
حتى تخمر ثم نضع فى الصاج بعض الزيت ونشكل العيش ونتركه يخمر
مره اخرى ونرش السمسم ونخبزه فى الفرن فى درجة حراره 150 درجه

وبلهنا والشفه

[أم البراء]

تسلم ايدك يا ام البطل على الوصفات الجميله بصراحه كنت اريد معرفه طريقه فطيره السبانخ

[ام البطل]

ربنا يكرمك يا امالبراء
:110:

[أم البراء]

ربنا يكرمك يا ام البراء
:110:

ويكرمك وباركلك حببتى أم البطل

[ام البنين]

سلمت يداك اختي ام عبد الرحمن على الوصفات الرائعه

واختي ام البطل سلمت يداك

وربنا يبارك في حسام ويحفظ ويبعد عنه كل سوء

[انسام ام زياد]

السلام عليكم ورحمة الله وبركاته

ياجماعه انا عضو جديدة

وبصراحه مش بعرف اطبخ وعايزة اتعلم ارجو المساعدة
اختك فى الله أنسام
وهقولكم على واصفه سهله ومش مكلفه

[انسام ام زياد]

هنجيب بطاطس حسب الرغبة

هنقلى البطاطس عادى

وبعدين نحطه فى سانيه
ونفضى مكان فى نص السانيه ونقطع بصله ونتبلها بمرقه الدجاج
ونحطه فى نص السانيه

ونجيب فحم ونسخنو على النار لحد لما يحمر لونه ونشيلو نحطو على البصل اللى فى وسط سنيه البطاطس ونحط على الفحم شويه قليله جدا من الزيت علشان البخار
يطلع من الفحم ونغطى عليه لحد لما البصل والبطاطس يمتصو البخار اللى خارج من الفحم خالص يعنى نسيبو متغطى عليه نص ساعه

وبالهنا والشفاء وابقو ادعولى

اختك فى الله انسام

ارجو التقييم

[(أم عبد الرحمن)]

مرحبا أختنا الحبيبة أنسام
بصراحة التقييم خمس نجوم لان الطريقة دى مجربة وجميله جدا
والفحم بيعطى رائحة مميزة للطعام
وتستخدم ايضا مع الكفته فى الصينية
ومع الفرخ المشوية
وتسلم ايديكى
وجزاك الله خيرا

[انسام ام زياد]

مرحبا أختنا الحبيبة أنسام
بصراحة التقييم خمس نجوم لان الطريقة دى مجربة وجميله جدا
والفحم بيعطى رائحة مميزة للطعام
وتستخدم ايضا مع الكفته فى الصينية
ومع الفرخ المشوية
وتسلم ايديكى
وجزاك الله خيرا



تسلملى يا ام عبدالرحمن
وشكرأ جزيلآ على ردك الجميل

اختك ام زياد

أنسام

[أم البراء]

أهلا بيكى أختنا الحبيبه انسام
وصفه رائعه
بارك الله فيك
وفى انتظار المزيد

[انسام ام زياد]

أهلا بيكى أختنا الحبيبه انسام
وصفه رائعه
بارك الله فيك
وفى انتظار المزيد



بارك الله فيكى اختى أم البراء

وفى قلبكم الحبيب

أنسام

[انسام ام زياد]

ياجماعه مفيش حد كتب أكله

انتو مش بتحبو الطبخ ولا ايه

[انسام ام زياد]

طيب هقولك على أكله يارب تكون لذيذه

المعكرونة بالباشامل

هنسلق المعكرونه (المقدار حسب الرغبة)

لعمل الباشامل

وهنجيب حله صغيره ونحط فيه شوية زيت او سمنه (يفضل زيت)

وهنجيب دقيق ونحمر الدقيق فى الزيت لحد لما يبقى لونه اصفر غامق

هنشيلو من على النار ونضيف عليه اللبن (يكون اللبن باردأو دافى)

ونحطه على النار مع التقليب المستمر

مع اضافت التوابل

وبعدين نجيب اللحمه المفرومه

ونجيب طاسه نحط فيه اللحمه المفرومه والبصل مقطع مكعبات صغيره جدآ

وقليل من الزيت ونحمرهم على النار

وبعدين نجيب صينية فاضي

وندهنه بشوية زيت قليلين جدآ

ونحط نصف مقدار المعكرونه ونوزعو فى الصينيه كلها

وبعدين نحط اللحمه المفرومه بالبصل

وبعدين نحط نص المعكرونة التانى ونوزعو ذى النصف الاول

ونحط الباشامل على المعكرونه

ويوزع على الوجه كلو

ونجيب بيضه نضربه كويس وبعدين نحطه على سطح الصينيه

ونحطها فى الفرن لحد لما الوجه يتحمر بالهنا والشفا



(ايه رآيكم طعمها حلو)


ارجو التقييم

اختكم أم زياد

أنسام

[أم البراء]

ماشاء الله
يبدوا إنك طباخه ماهره
بارك الله فيكِ أختى أنسام
فى إنتظار المزيد منكِ

[انسام ام زياد]

ماشاء الله
يبدوا إنك طباخه ماهره
بارك الله فيكِ أختى أنسام
فى إنتظار المزيد منكِ



ربنا يباركلى فيكى اختى العزيزه وبكلمك الجميل

ويسعدنى دائمآ تعلقاتك اختى الحبيبه

آنسام

[ورده]

جزاكم الله كل خير

[(أم عبد الرحمن)]

جزاكم الله كل خير

واياك اختنا الحبيبة وبارك الله فيك

[أم البراء]

جزاكم الله كل خير

جزانا وإياكِ أختى فى الله وردة
مرحباً بكِ معنا اختى الحبيبه
نورتى القسم مفيده ومستفيده بإذن الله

[مونا]

شكرا لجميع الاخوات الذين تقدموا لنا بواصفات جميله وهذه مشاركتي معكم وارجوا ان تنال اعجابكم

****وهي طريقه (التارت بالمربى) ****

2.5 كوب دقيق
نصف كوب سكر
نصف كوب سمن
2بيض+فانيليا
2ملعقه صغيره بكنج بودر


****طريقه العمل****


يضرب السمن والسكر جيدا ثم نضع معها البيض زائد الفانيليا ثم نضع بعد ذلك الدقيق مع البكنج بودر حتي تسير عجينه متماسكه ثم نحضر صنيه متوسطه الحجم ثم نفرد تلات ارباع العجينه ف الصنيه ثم نضع المربى (الفراوله او البلح )
ثم نبشر الربع الاخير من العجينه بمبشره البصل فوق المربي ثم نضعها ف فرن متوسطه الحراره لمده ربع ساعه وتكون ع الرف الاعلي للفرن

وبالهنا والشفا

**وتذكري اختي : تعدد النيه قبل البدء ف العمل
** ملحوظه هامه :: من تجرب هذه الوصفه تدعوا لي .

[أم البراء]

ماشاء الله
جزاكِ الله خيراً اختى الحبيبه مونا
ومرحباً بيكِ معنا حبيبتنا فى الله
مفيدة ومستفيده بإذن الله
:a7bak:

[(أم عبد الرحمن)]

سلمت يداكم جميعا أخواتى الحبيبات
وننتظر المزيد من الوصفات الرائعه والشهية
وفقكم الله

[(أم عبد الرحمن)]

للرفع

[نور الاسلام]

فكره رائعه اختى الغاليه هدانا الله تعالى واياكى...وساشارك ان شاء الله

[(أم عبد الرحمن)]

هلا ومرحبا أختنا الفاضلة الرانتيسى ننتظر وصفاتك الجميلة
وفقك الله ورعاك