سياسة الاستخدام العادل ـ مراسلنا عايز حقه ـ

[الشافعى الصغير]

سياسة الاستخدام العادل «تطبق الشروط والأحكام»

كتب هيثم دبور
ولو بس يسمح يجاوب جنابه
مادام كل واحد هيعمل حسابه
مادام الحكومة بتفرض كفايته
وتضغط منابه
وتنصح بأن احتياجه الزيادة
لابد اجتنابه
وتقفل دولابه
تقول له كفاية الهدوم اللى عندك
ولازم تفكر كمان فى اللى زيك
وكله بثوابه
وحقه كحقك فى متع الحياة
رصيفها وشارعها ونيلها العتيق
ويلقى أيادى تحاوط جروحه
تخفف عذابه
إذا شىء أصابه
وإن الموارد قليلة ولكن..
دى حق الجميع
فامتى نطبق نفس السياسة..
فى كرسى جنابه؟!
ولو بس يسمح..
يفيدنا بجواب

[مسك**الجنه]

جزاك الله خيرا

[أم الزبير محمد الحسين]

جزاكم الله خيراً