الاكلات الشعبيه الجميله

[انسام ام زياد]

بسم الله الرحمن الرحيم


اليكم أخواتى بعد الاكلات الشعبيه اللذيذه


تحذير

(هذه الاكلات لاتنفع فى حالات الرجيم أو التخسيس)



************************


الفتة




المقادير

1/2 كيلو لحم ضانى(لحم غنم ) بالعظم

بهارات (عود قرفة وحبان ومستكة وملح وفلفل )

بصلة وحبة طماطم

2 رغيف خبز كبير محمص ومكسر قطع صغيرة

3 كوب ارز مصري ابيض مطبوخ (الطريقة العادية لطهى الارز)




مقادير التقلية


(التقلية بالصلصة)



3 فص ثوم مفروم

1/2 كوب خل

1/2 كوب مرقة اللحم

1 كوب عصير طماطم

ملح وفلفل



(التقلية البيضاء بدون صلصة)


نفس المقادير السابقة بدون الصلصة

لكن نزود 1/2 كوب مرقة


طريقة التقلية


1- نضع الزيت على النار ونحمر فيه الثوم

2- عندما يصبح لونه ذهبى نضيف الخل والشوربة بعد ان نكون خلطناهم سويا

3- نضيف الملح والفلفل ونراعى نسبة الملح فى الاكلة كلها

4- نضيف عصير الطماطم ونتركها تغلى حتى تتسبك الطماطم نزود شوية شوربة



( التقلية اللى من غير طماطم)


هى نفس الخطوات ولكن لا نضيف عصير الطماطم بس نزود الشوربة

ونطفى النار عليها

بعد ماتغلى



الطريقة



1- تسلق اللحمة فى الماء المغلى مع اضافة كل البهارات المرفقة حتى

تنضج تماما

2- فى صينية بيركس نكسر الخبز المحمص ويوضع فى الصينية

3- نصب عليه تقريبا 4 كوب مرقة ساخنة جدا ونتركها حتى تتشرب المرقة

4- نضيف قليل من التقلية على الخبز

5- نضيف الارز المسلوق

(واذا لاحظتى ان الخبز محتاج مزيد من المرقة انتى وراحتك )

6- بعد اضافة الارز نصب باقى التقلية على وجه الطبق

7- نحمر اللحمة المسلوقة فى السمن وترص على الوجه



********************************


كوارع بالدمعة



المقادير

زوجا كوارع مسلوقة

5 حبات طماطم حمراء متوسطة

كمية من مرق الكوارع

ملعقة كبيرة من السمن

خمسة فصوص ثوم

بصلتين كبيرتين



الطريقه


1-تسلق الكوارع نصف سلقة

2- يفرم البصل و يشوح في السمن أو الزيت حتى يصفر لونه

3- نضيف الثوم وعصير الطماطم وتترك لتنضج

4- نضيف مرقة

5- يقطع الكوارع ويتبل الجميع ويغطى القدر وتترك لتغلى على نار هادئة حتى ينضج مع

التقليب من آن لآخر

6- يستخلص العظم من الكوارع

7- ترص في صنينة التقديم وتصب الدمعة حولها وتقدم ساخنة


***********************

الممبار



المقادير


ممبار

ارز

طماطم

بصل

ملح وفلفل

خضرة كتيرة (بقدونس وكسبرة وشبت)

فلفل اخضر واحمر حامى

لحمة مفرومة

وزيت

(ملحوظة بتكون كمية اللحمة المفرومة قد كمية الارز )



الطريقه


1- نقطع الممبا ر حسب الرغبه

2- ننظف الممبار يعنى نشيل الدهن اللى موجود عليه من الخارج

3- نقلب الممبار

4- نجيب طبق يوجد به خل وملح

5- نحط الممبار فى الخل والملح ونفرقو جيدآ

6- نتركه نصف ساعه فى خل وملح وماء جديده


خلطة الحشو


1- نفرم البصل ويكون كميتة معقولة مع كمية اللحمة المفرومة

2- نتبل البصل كويس بالملح والفلفل ونحط علية اللحمة المفرومة ونقلبها كويس

3- نزود عليها الارز ويكون مغسول

4- نضرب فلفل اخضر واحمر حامى ونحطة فى الطبق اللى فية اللحمة والبصل

والطماطم

5- نحطها على الطبق وممكن تقطع مكعبات صغيرة (اللى تفضليه)

6- نقطع الخضرة ونحطها على الطبق

7- نحط كمية من الزيت عليهم

8-يتقلب الخليط دة كويس جدا طبعا هيكون ريحة الخليط دة حلو اوى



حشو الممبار


1-بلاش نكبس الممبار فى الحشو علشان لما يتسلق مش يتقطع ويتفرتك يعنى نسيب

فى الاخر مسافه حاولى 3سم فاضى (ده لو مش هتربضيه)

2-بعد ما نخلص حشو طبعآ هيكون فى حلة السليق على النار

3- نحط الممبار فى حلة الماء المغلى ونسيبو حاولى ساعه الا ربع

(أو حسب نوع الممبار)


(ممكن يتاكل معه طحال حسب الرغبه)


*********************

الطحال


المقادير


عدد من الطواحيل الضانى

3 اكواب ارز

1بصلة متوسطه

خضرة( بقدونس +كزبرة )

طماطم

زيت


الطريقة


1- نفتح فتحة صغيرة تقريبا سم فى الجانب السميك من الطحال

2- نوسعه برفق من الداخل

3- نبدا ببشر البصل وتقطيع الطماطم والبقدونس والكزبرة قطعا صغيرة

4- ونضيف الارز والزيت

5- نحشى الطحال من الخلطة

6- نضع الطحال بعد حشوة فى الماء المغلى

7- بعدالسلق يقلى فى الزيت

[عائشةنور]

السلام عليكم
جزاكِ الله خيرا وأسعدكي

[انسام ام زياد]

السلام عليكم
جزاكِ الله خيرا وأسعدكي


شكرآ أختى العزيزه

عائشه نور

أنسام

[أم هارون السلفية]

جزاكِ الله خيرا أختى

[انسام ام زياد]

جزاكِ الله خيرا أختى



تسلمى وتسلم يدك على الرد

أختى الغاليه أم هارون

أنسام

[سلسبيله هارون]

جزاكى الله خيرا

احبك فى الله

[انسام ام زياد]

تسلمى أختى العزيزة

أنسام